Vegter

Hi Ma...

Hierdie song is vir jou.

Ek kyk op na die berge,

en ek weet

waar my hulp vandaan kom.

Jou verhaal

het op Verdwaal begin.

Tussen stofpaaie

en sitrusboorde

het jy jou storie geskryf.

Langs die Krokodil

het jy gespeel,

gehardloop

en gelag. Dis waar ons Ma se kinders geword het.

Dis wie jy is.

Jy is dogter. Jy is suster.

Jy is ons Ma.

Jy is Ouma. Uitgekies om lief te hê.

Uitgekies om te gee.

Uitgekies om die Here se vegter te wees.

Dis wie jy is.

Bietjie lag.

Baie liefde.

Die helderste gedeelte

van elke dag.

Die oproep waarop ons altyd sal wag.

Jy is dogter.

Jy is suster.

Jy is ons Ma.

Jy is ons Ouma.

Die Here se vegter.

Jy het kruis op kruis

in stilte gedra.

"Dit gaan altyd goed met Ma."

Ja in stilte gedra.

Jy het die mooi

in die ongewoon gevind.

In die elke dag waarby

ons verby kyk. Jy het elke

mens, elke klip

en elke blom

op jou pad

liefgehad. Jy het skoonheid gesien.

Jy het ure

saam met die kleinkinders spandeer.

Saam met hulle gelag.

Saam met hulle geleef.

Herhinneringe gemaak

wat langer

as 'n leeftyd sal hou.

Jy was die koppie tee en gesels tot middernag.

Die giggel tussen wyne.

Die Ouma wat altyd geskenke bring.

Handgemaak. So uiters spesiaal.

En ons... Jou drie dogters.

Ons dra elkeen 'n

stukkie van jou.

Jou lag.

Jou liefde.

Jou geloof.

Ons sal jou

saam met ons dra,

waar ook al

ons gaan.

Want jy is

regtig 'n vegter.

Vegter wat geglo het.

Vegter wat aangehou het.

Vegter wat liefgehad het.

Dis wie jy is...

Dis wie

jy

is... Jy is dogter!

Dogter! Jy is suster!

Suster! Jy is ons Ma!

Ons Ma!

Jy is ons Ouma!

Ons Ouma!

Die Here

se vegter!

Die Here

se vegter!

DIS WIE

JY

IS! Jy is dogter!

Jy is suster! Jy is ons Ma!

Jy is ons Ouma!

Vrou van geloof.

Vrou van liefde.

Hart wat gee. Hart wat glo.

Die Here

se vegter! Ek kyk op na die berge...

En ek weet... waar my hulp vandaan kom.

My hulp is van die Here.

MY HERDER!

Ma... 'n Stukkie van jou

sal altyd

by ons wees.

Dis wie jy is

en dit is genoeg vir ons.