عيد ميلادي لا يرحم
(hahaha) بروحو بدوني وبس اجي لعندهم ع سوق الصيني بياخدوني
بنص سوق بيضيعوني بس يلاقوني ع كل دكاكين مشرشحة بيجرجروني جنب الزبالات
بمشوني
بياخدوني على كوافير وبجرصوني (يييي علينا)
شبشب ابو اليورو بيشترولي
وشنطة الو لمعة يجيبولي وعلى المول بيشحطوني
واكل الصيني المقرف بطعموني وبالباص آخر شي بنسوني
ولما أصرخ كلهم بطنشوني (طنش تعش!) صورة عالسريع بصوروني
وعالإنستا فوراً بنشروني
وبمحل الشناتي بفوتوني
أرخص شنطة بنقّولي وبس أقول خلص رجّعوني عقسم التخفيضات بودّوني
وبعيد ميلادي
بيفاجئوني
وهدايا من ويش بجيبولي وبفستان أسود
متل الكيس بيلبسوني وبتقولولي: واااو شو لابقلك!
وبيكذبولي
وبس افتح تمي
بيمننوني
وبكل هدية عشر مرات بيذكروني (وااااو شو حلوووو)
طيب يا قلبي يا حبّي يا عيوني
طب أنا امكن احترموني؟ حاج تشرشحوني وتذلّوني وبين الخلايق كل مرة تفضحوني
وبدل ما شمعة عالكيكة تحطّولي شمعة رقم سبعين بتجيبولي
وبأبشع زاوية بتصوّروني والصورة ع الكروب دغري بتبعتولي
وبس قول امسحوها بطنشوني؟ (لأ!)
لاااا… عالستوري كمان بينزلوني وهدية ملفوفة بيناولوني بفرح وبقول أخيراً دلّعوني بفتحها…
كلسونين بيطلعولي وبكلسون أبو اليورو بتعايدوني
لا وردة، لا عطر، لا شي يفرح عيوني وبآخر السهرة فاتورة الكيك
بتحمّلوني يا جماعة عيد ميلادي أناااا… ارحمونيييي (يا ويلييييي!)